Bhimalapuram.co.in
అన్నమాచార్య కీర్తనలు -8982
తలఁచుకో వో మనస తగిన ద్రిష్టము లివి
రాగము: సౌరాష్ట్రం
తలఁచుకో వో మనస తగిన ద్రిష్టము లివి | |
వెలలేక తెచ్చేటి వివేకము లోధనము | ॥పల్లవి॥ |
గాలిఁబోయేఁ మాటలు లోకములోని సుద్దులెల్లా | |
గాలిఁ బో వెన్నఁడును శ్రీకాంతునుతులు | |
జాలిఁబడే సేఁతలుసంసారభోగములెల్లా | |
జాలిలేనివి విష్ణుని సంతతపుపూజలు | ॥తలఁ॥ |
మాయమౌ గొన్నాళ్లకు మానుషకృత్యములెల్లా | |
మాయముగానివి దైవికమహిమలెల్లా | |
కాయకములే తమ కల్పితము లన్నియును | |
కాయకము గాక నిల్చుఁ గమలాక్షు మన్నన | ॥తలఁ॥ |
వుడివోవు రాఁగారాఁగా నున్నతకర్మఫలాలు | |
వుడివోదు దేవునిపై నొనరు భక్తి | |
జడియ నితరులిచ్చేసకల వరములును | |
జడియదు శ్రీవేంకటేశ్వరుఁడిచ్చే వరము | ॥తలఁ॥ |
కీర్తన విభాగము ఆంగ్లము తెలుగు తెలుగులిపిలేదు