Bhimalapuram.co.in
అన్నమాచార్య కీర్తనలు -8990
తలఁపులో కొట్టగొన దైవమే వున్నాఁడు
రాగము: గుండక్రియ
తలఁపులో కొట్టగొన దైవమే వున్నాఁడు | |
తలఁచిన రూపులెల్లా తా నయ్యీనయ్యా | ॥పల్లవి॥ |
కలలో ప్రపంచము కంటి నే నొకటి | |
వెలినున్న ప్రపంచవిధివలెనే | |
కలనున్నవాఁడ నేనే వెలి నన్నువాఁడ నేనే | |
తెలి(య?) మాబతుకు రెంట దెప్పరములయ్యా | ॥తలఁ॥ |
దేహమీఁడ నుండఁగానే దిక్కులకేఁగీ మనసు | |
దేహముతో దిక్కులెల్లాఁ దిరిగినట్టే | |
దేహములోవాఁడ నేనే దేహముపై వాఁడ నేనే | |
వోహో మాజన్మములో నొకటి రెండయ్యా | ॥తలఁ॥ |
కన్నులెదుట శ్రీవేంకటపతిఁ గొలిచెద | |
కన్నుమూసి యాతనినే కమ్మర భావించెదను | |
కన్నులోపల నేనే కన్నులవెలిని నేనే | |
వున్నతి నీరెండును వొక్కటాయనయ్యా | ॥తలఁ॥ |
కీర్తన విభాగము ఆంగ్లము తెలుగు తెలుగులిపిలేదు