Bhimalapuram.co.in
అన్నమాచార్య కీర్తనలు -9011
తానిక నెప్పుడు నాపై దయదలఁచీనే
రాగము: ఆహిరి
తానిక నెప్పుడు నాపై దయదలఁచీనే | |
ఆనవెట్టి యాతనినే యడుగరే చెలులు | ॥పల్లవి॥ |
కలువ లేమిటికిఁ గారింపులాయనే | |
తలపోఁత లేఁటికిఁ దరవాయనే | |
చిలుకపలుకులేల చిరుచేఁదులాయనే | |
అలరినరమణుని నడుగరే చెలులు | ॥తాని॥ |
కాసేటివెన్నెలలేల కడువేఁడులాయనే | |
ఆసలు జిగురులై యే లంటుకొనెనే | |
వాసనైన గాలి యేల పడ చల్లఁజొచ్చెనే | |
ఆసుద్దలెల్లాఁ బతి నడుగరే చెలులు | ॥తాని॥ |
పొదలతుమ్మిదలేల పొంచి తమిరేచీనే | |
ఆదరుఁజన్నులేల ఆముకొనినే | |
అదన నలమేల్ మంగనైన నన్ను తాఁ గూడె | |
అదె శ్రీ వేంకటేశ్వరు నడుగరే చెలులు | ॥తాని॥ |
కీర్తన విభాగము ఆంగ్లము తెలుగు తెలుగులిపిలేదు