Bhimalapuram.co.in
అన్నమాచార్య కీర్తనలు -9069
తానే యెఱుఁగుగాక తఱవాతి పనులు
రాగము: ఆహిరి
తానే యెఱుఁగుగాక తఱవాతి పనులు | |
పూనిపట్టి తనునెట్టు బోదించవచ్చునే | ॥పల్లవి॥ |
పట్టరానిది వయసు పంచరానిది వలపు | |
కట్టిపెట్టరానివి కనుచూపులు | |
మెట్టరానిది మనసు మీరరానివి వాసులు | |
యెట్టుసేసినా విభుని నేమని సొలతునే | ॥తానే॥ |
చెప్పఁగరానిది సిగ్గు సేయరానిది నగవు | |
కప్పి పెట్టరానివి చక్కఁదనములు | |
తిప్పరానిది గుణము తెంచరానిది కోరికె | |
అప్పటి నీతనిం గాధన నెట్టువచ్చునే | ॥తానే॥ |
తనియరానిది రతి దాఁటరానిది పొందు | |
మొనసి మానరానిది మొగమోటము | |
యెనసె శ్రీవేంకటేశుఁ డే నలమేలుమంగను | |
చనవిచ్చెఁ దను నెట్టు సాదించవచ్చునే | ॥తానే॥ |
కీర్తన విభాగము ఆంగ్లము తెలుగు తెలుగులిపిలేదు