Bhimalapuram.co.in
అన్నమాచార్య కీర్తనలు -9081
తా నేల నిలుచున్నాఁడు తడవుల నుండీని
రాగము: సామంతం
తా నేల నిలుచున్నాఁడు తడవుల నుండీని | |
పానిపట్టి చెలులాల పద మనరే | ॥పల్లవి॥ |
మనసు రాని తలఁపు మాటలోనె కాన వచ్చు | |
పెనఁగి యప్పటి వీఁడు పిలిచీఁ గొంతా | |
ననుపు గల దెల్లాను నవ్వినందే తెలిసితి | |
పని గద్దు వచ్చేఁ గాని పద మనరే | ॥తా నేల॥ |
నెరమెచ్చువలపులు నిలిచినందే తోచె | |
సరసాన వీఁడె చేయి చాఁచీఁ గొంతా | |
కరుణ గల దెల్లాను కనుచూపులనె కంటి | |
పరిణామ మాయ నాకుఁ బద మనరే | ॥తానేల॥ |
కలిగిన తమకము కాఁగిటిలోఁ గానవచ్చె | |
అలరి తాఁ బెట్టుకొనీ ఆనలూఁ గొంతా | |
వెల లేని వేడుక శ్రీవెంకటేశుఁ డిటు గూడె | |
పలుకు లేఁటికి నిఁకఁ బద మనరే | ॥తానేల॥ |
కీర్తన విభాగము ఆంగ్లము తెలుగు తెలుగులిపిలేదు