Bhimalapuram.co.in
అన్నమాచార్య కీర్తనలు -9144
తిరువీధు లేఁగీని దేవతలు జయవెట్ట
రాగము: సాళంగనాట
తిరువీధు లేఁగీని దేవతలు జయవెట్ట | |
హరి వాఁడె పెండ్లికొడుకై ప్రతాపమున | ॥పల్లవి॥ |
కనకపుఁ గొండ వంటి ఘనమైన రథముపై | |
దనుజమర్దనుఁడెక్కె దరుణులతో | |
వినువీధిఁ బడెగె(డగ?)లు వేవేలు కుచ్చులతోడఁ | |
బెనగొనఁగఁ గదలె భేరులు మ్రోయఁగను | ॥తిరు॥ |
వరుసఁ జంద్రసూర్యులవంటి బండికండ్లతోడ | |
గరుడధ్వజుఁ డొరసిఁ గడుదిక్కులు | |
పరగు వేదరాసులే పగ్గాలు వట్టితియ్యఁగ | |
సరుగ దుష్టులఁ గొట్టి జయము చేకొనెను | ॥తిరు॥ |
ఆటలుఁ బాటలు వింటా నలమేల్మంగయుఁ దాను | |
యీటున శ్రీవేంకటేశుఁ డెదురులేక | |
వాటపు సింగారముతో వాకిటవచ్చి నిలిచీ | |
కోటానఁగోటి వరాలు కొమ్మని ఇచ్చుచును | ॥తిరు॥ |
కీర్తన విభాగము ఆంగ్లము తెలుగు తెలుగులిపిలేదు