Bhimalapuram.co.in
అన్నమాచార్య కీర్తనలు -9149
తీరుచవయ్య తగవు దీనికి నీవు
రాగము: వరాళి
తీరుచవయ్య తగవు దీనికి నీవు | |
నేరుపరితనమెల్లా నీచేత నున్నది | ॥పల్లవి॥ |
పందేలువేసి నీతోఁ బలుమారు జూజమాడి | |
దిందుపడ నుంగరము దీసుకొన్నది | |
అందుకుఁగా వేరొకతె అది దనసొమ్మనుచు | |
అంది తలపిడివట్టి అడుగుతానున్నది | ॥తీరు॥ |
సరి బేసి వట్టి యొక్కసతి నిన్ను నోడించి | |
గొరబుగా నచ్చుటాసె కోకకొంగున | |
సిరుల నీదట్టి తనచీరంటా వేరొకతె | |
అరసి పట్టి యందుకు నాపె మారుకొనెను | ॥తీరు॥ |
వానగుంటలాడి వొకవనిత నీచేయి వట్టి | |
ఆనవెట్టి వేలొకతె ఆచేయిఁ బట్టె | |
ఆనుక శ్రీవేంకటేశ అలమేల్ మంగ నే వచ్చి | |
మేనంతి వురమెక్కితే మెచ్చిరి యిందరును | ॥తీరు॥ |
కీర్తన విభాగము ఆంగ్లము తెలుగు తెలుగులిపిలేదు