Bhimalapuram.co.in
అన్నమాచార్య కీర్తనలు -9203
తెలిసినవారికి తెరు విది మరి లేదు
రాగము: బౌళి
తెలిసినవారికి తెరు విది మరి లేదు | |
నలినాక్షుఁ బొగడెడి నామములో నున్నది | ॥పల్లవి॥ |
ఆకసాన లేదు మోక్ష మటు పాతాళమున లే | |
దీకడ భూలోకమందు యెందు లేదు | |
పైకొని ఆసలెల్ల పారఁదోలి వెదకితే | |
శ్రీకాంతుఁ బొగడేటి చిత్తములో నున్నది | ॥తెలి॥ |
సురలవద్ద లేదు సోదించ నమృతము | |
సరి దిక్కులందు లేదు జలధిలో లేదు | |
శరణాగతుల పాతజలములు చేర్చికొనే | |
హరిదాసులఁ బూజించే అరచేత నున్నది | ॥తెలి॥ |
రాజసాన సుఖమేది రాసి కర్మమందు నేది | |
వోజతోడ నియతుఁడై వుండేవానిది | |
సాజాని శ్రీవేంకటేశు సరిముద్రలు ధరించే | |
తేజముతో విజ్ఞానదేహములో వున్నది | ॥తెలి॥ |
కీర్తన విభాగము ఆంగ్లము తెలుగు తెలుగులిపిలేదు