Bhimalapuram.co.in
అన్నమాచార్య కీర్తనలు -9310
దగ్గరగ రాదు మరి దగ్గరకుండగ రాదు
రాగము: ఆహిరి
దగ్గరగ రాదు మరి దగ్గరకుండగ రాదు | |
యెగ్గులాయ జవ్వనము యిఁకనేఁటికే | ॥పల్లవి॥ |
చేరి వానిరూపు చూచి జిగి సంతోసించేనంటే | |
సారె నాకన్నులనీరు సంగరమాయ | |
ఆరయ వానితో మాటలాడి చొక్కేనంటేను | |
దూరేనానవ్వులే నాకుఁ దొడసాయెనే | ॥దగ్గ॥ |
మునప వానింటికేఁగి ముచ్చటఁ బాసేనంటే- | |
ననువైనమరపులే అడ్డమాయెనే | |
తనివోక వానిరతి తలపోసివుండేనంటే | |
కొనసాగి కోరిక పైకొసరాయెనే | ॥దగ్గ॥ |
గక్కన వానిమేను కాఁగిలించి పట్టేనంటే | |
పక్కన నాసిగ్గులు దెప్పరమాయెనే | |
ఇక్కువ శ్రీవేంకటేశు నిట్టె నేఁ గూడితిని | |
దక్కిన వాని మన్నన తలకూడెనే | ॥దగ్గ॥ |
కీర్తన విభాగము ఆంగ్లము తెలుగు తెలుగులిపిలేదు