Bhimalapuram.co.in
అన్నమాచార్య కీర్తనలు -9320
దయగలదానవు తమకించకువే ఇట్టె
రాగము: పళవంజరం
దయగలదానవు తమకించకువే ఇట్టె | |
ప్రియపడఁగానే ఇంక బిగియఁగవచ్చునా | ॥పల్లవి॥ |
భావ మెఱిఁగి మెల్లనె పైకొని కూడుటగాక | |
కైవసమైనవానిఁ గక్కసింతురా | |
యేవల్లనుండి వచ్చిన యెదురుకొందురుగాక | |
నీవద్దఁ గూచుండఁగానే నిష్టూరమాడుదురా | ॥దయ॥ |
వూరట చేసుకొని వొడఁబరచుటగాక | |
కూరిమిగలుగు వారిఁ గోపగింతురా | |
కోరి మచ్చము లుండినా కూర్చుకొనవెలఁగాక | |
సారె సారెఁ జెనకఁగా సణఁగులాడుదురా | ॥దయ॥ |
వేడుకలెల్లాఁ జూపి విన్నవించుకొంటగాక | |
కూడి శ్రీవేంకటేశుఁ గొసరుదురా | |
మేడెపురతులలోన మెచ్చులు మెత్తురుగాక | |
పాడిగా నీతో నవ్వఁగా పంతములాడుదురా | ॥దయ॥ |
కీర్తన విభాగము ఆంగ్లము తెలుగు తెలుగులిపిలేదు