Bhimalapuram.co.in
అన్నమాచార్య కీర్తనలు -9328
దయ దలఁచఁగరాదా తరుణిపై నిఁకనైన
రాగము: శ్రీరాగం
దయ దలఁచఁగరాదా తరుణిపై నిఁకనైన | |
ప్రియములు చెప్పేనంటాఁ బెనఁగుచు నలసె | ॥పల్లవి॥ |
వొగరులాడకుమంత వోపదుచెలి నీతో | |
నగవుల చేతనే మిన్నక యలసె | |
జగడాలడువకుమీ సంగతులు గావిఁక | |
మొగమోడి సారెసారె మొక్కి మొక్కి అలసె | ॥దయ॥ |
పంతాలు చూపుకుమంత పనిలేదు యాపెతోను | |
వింత నీబాసలు విని విని యలసె | |
చింతలు రేఁచకుమిఁక సేసినట్టెల్లాఁ జెల్లె | |
అంతరంగముగ నిచ్చలాడి యాడి యలసె | ॥దయ॥ |
అలయించుకుమంత ఆరడేల ఇల్లాలితో | |
కలసి కాఁగిటిలో రతులనలసె | |
యెలమి శ్రీ వేంకటేశ ఇంతసేసి కూడితివి | |
అలరిన నీమన్నన లందియంది యలసె | ॥దయ॥ |
కీర్తన విభాగము ఆంగ్లము తెలుగు తెలుగులిపిలేదు