Bhimalapuram.co.in
అన్నమాచార్య కీర్తనలు -9343
దవ్వుల వీఁగక దండకుఁ జేరరె
రాగము: సామంతం
దవ్వుల వీఁగక దండకుఁ జేరరె | |
వువ్విళ్ళూరుచు నొదుగరె మీరు | ॥పల్లవి॥ |
చెలువులు రాతిరి చేసిన చేఁతలు | |
చెలితో వేగిటు చెప్పె సతి | |
జల జల నంతలో జడివట్టెఁ జెమట | |
వెలఁదులు సురటి విసరరె మీరు | ॥దవ్వు॥ |
కాంతుఁడే కాంతముగాఁ జెప్పిన కత | |
సంతోసమునఁ జెప్పె సకితోను | |
పొంతనె దొంతర పులకలు వొడమెను | |
వింతలుగాఁ దెరవేయరె మీరు | ॥దవ్వు॥ |
శ్రీ వేంకటేశుఁడు చెందిన కలయిక | |
వావిరిఁ జెప్పం సవతితోను | |
చేవల నవ్వులు సెలవులఁ బొడమెను | |
భావించి మొక్కరె పలుమరు మీరు | ॥దవ్వు॥ |
కీర్తన విభాగము ఆంగ్లము తెలుగు తెలుగులిపిలేదు