Bhimalapuram.co.in
అన్నమాచార్య కీర్తనలు -9350
దానికేమి తప్పు గాదు దయ దలఁచు కొంటేను
రాగము: పాడి
దానికేమి తప్పు గాదు దయ దలఁచు కొంటేను | |
వీనుల మా మాటలెల్ల వినవమ్మ చెలియ | ॥పల్లవి॥ |
చలమెల్ల నొక్కటే సతులకుఁ బతులకు | |
బలిమి కొలఁదినే పంతాలు గాని | |
నిలుచున్నాఁడు నీపతి నేము వొడఁ బరచేము | |
నెలకొని ఇంతట మన్నించవమ్మ చెలియ | ॥దాని॥ |
బిగువెల్ల నొక్కటే పెనఁగేటివారికి | |
నగవు కొలఁదినే ననుపుగాని | |
మొగము చూచీ నతఁడు మొక్కేము నేమెల్ల | |
నిగిడి యీవేళను మన్నించవమ్మ చెలియ | ॥దాని॥ |
రతియల్లా నొక్కటే రసికుల కెల్లాను | |
మతులకొలఁదినే మరపు గాని | |
యితవై శ్రీ వేంకటేశుఁ డిదె కూడె మమ్ము మెచ్చ | |
సతమై నీ సరసాలు చల్లవమ్మ చెలియ | ॥దాని॥ |
కీర్తన విభాగము ఆంగ్లము తెలుగు తెలుగులిపిలేదు