Bhimalapuram.co.in
అన్నమాచార్య కీర్తనలు -9351
దానికేమి దోసమా తగిన గేస్తురాలవు
రాగము: బౌళి
దానికేమి దోసమా తగిన గేస్తురాలవు | |
నేను నిన్ను నేమనేను నీకేలే సిగ్గులు | ॥పల్లవి॥ |
కొండవంటి దొర నిన్ను కొంగువట్టి తీసితేను | |
వొండేమీననలేక వొద్దికైతివే | |
అండనుండి సారెసారె నాతఁడే పిలువఁగాను | |
బండుబండు గాలేక పలికితివే | ॥దీని॥ |
చక్కని జాణఁడు నీ జవ్వనము దడవఁగ | |
గక్కన విడువలేక కైకొంటివే | |
వెక్కసానఁ గమ్మటిని వీడె మాతఁడియ్యఁగాను | |
అక్కరఁ దోయలేక అందుకొంటివే | ॥దీని॥ |
శ్రీవెంకటేశ్వరుఁడు చెక్కు నిన్ను నొక్కఁగాను | |
కైవశమై అంతలోనఁ గరఁగితివే | |
యీవేళ నన్నేలి వచ్చె నిద్దరి సవతులఁగా | |
కావించి నవ్వితి నిట్టే కదిసితివే | ॥దీని॥ |
కీర్తన విభాగము ఆంగ్లము తెలుగు తెలుగులిపిలేదు