Bhimalapuram.co.in
అన్నమాచార్య కీర్తనలు -9432
దేవర విన్నిటా నీ దేవిని నేను
రాగము: భైరవి
దేవర విన్నిటా నీ దేవిని నేను | |
నీవే నా కిన్నియును నేరుపుదుగాక | ॥పల్లవి॥ |
యెక్కుడుమాట నీవన్నా యెదురాడఁ దగవా | |
అక్కర మంకుదనాన నాడితిఁగాక | |
యిక్కువైనతగవు నీవెఱఁగనివాఁడవా | |
చొక్కముగా నామనసు సోదించేవుగాక | ॥దేవ॥ |
తప్పులు నీవు వట్టితే తారుకాణించఁదగవా | |
అప్పటికోపము లాఁపనైతిఁగాక | |
కప్పి నీవల్ల నేమైనా కడమలు గలవా | |
తిప్పి నాచేఁతల నన్నుఁ దిటిచేవుగాక | ॥దేవ॥ |
వొత్తి కాఁగిలించుకొంటే వొపననఁదగవా | |
చిత్తగించి రతి నలసితిఁగాక | |
కొత్తగా శ్రీ వేంకటేశ కూడితివి నన్ను నిట్టె | |
తత్తరపువాడవా దయ ఇదిగాక | ॥దేవ॥ |
కీర్తన విభాగము ఆంగ్లము తెలుగు తెలుగులిపిలేదు