Bhimalapuram.co.in
అన్నమాచార్య కీర్తనలు -9484
దైవమా నీవే మమ్ము దయదలఁచుట గాక
రాగము: ధన్నాసి
దైవమా నీవే మమ్ము దయదలఁచుట గాక | |
చేవల నీ సేఁతలెల్ల చెల్లును లోకానను | ॥పల్లవి॥ |
తీపు నంజేవేళ నట్టె తేటఁ బులుసింపౌను | |
పైపైఁ బుణ్యమయితేఁ బాపమింపౌను | |
వోపి జంతువుల కివి వొకటొకటికి లంకె | |
చేపట్టి పాపము లెట్టు సేయకుండవచ్చును | ॥దైవ॥ |
కడుఁ జలువై తేను గక్కన వేఁడింపౌను | |
చెడని విరతివేళ సిరులింపౌను | |
వొడలు మోచినవారి కొకటికటికి లంకె | |
తొడరు భోగాలు మాని తోయ నెట్టువచ్చును | ॥దైవ॥ |
యివియు నీమాయే యిన్నియు నీయాజ్ఞలే | |
జవళిఁ బ్రాణులకెల్ల సమ్మతైనవి | |
యివల శ్రీవేంకటేశ యిటు నీకే శరణంటి | |
తవిలి నీవే గతి దాఁగ నెట్టువచ్చును | ॥దైవ॥ |
కీర్తన విభాగము ఆంగ్లము తెలుగు తెలుగులిపిలేదు